الأقباط متحدون - شمس البارودي تعلن اعتزال حسن يوسف الفن نهائيًا: مش قادر يرجع لحياته بعد وفاة نجلنا
  • ١٣:٢٧
  • الثلاثاء , ٩ يوليو ٢٠٢٤
English version

شمس البارودي تعلن اعتزال حسن يوسف الفن نهائيًا: مش قادر يرجع لحياته بعد وفاة نجلنا

فن | القاهرة 24

١٦: ٠٥ م +00:00 UTC

الثلاثاء ٩ يوليو ٢٠٢٤

شمس البارودي
شمس البارودي

أعلنت الفنانة المعتزلة شمس البارودي، اعتزال زوجها الفنان حسن يوسف الفن نهائيًا، بجانب تعليقها على أنباء تعرضه لوعكة صحية خلال الفترة الماضية، مؤكدة أن الفنان يتمتع بالصحة ولكنه اعتزل حزنًا على وفاة نجله عبد الله، الذي اقتربت الذكرى الأولى لوفاته.

وقالت شمس البارودي، في تصريح خاص لـ القاهرة 24: كلام قليل الأدب وناس قليلة الأدب، كل حاجة طبيعي بس هو رافض يرد على  الصحافة ولا أي حاجة.

وتابعت شمس البارودي: الراجل أعلن اعتزاله خلاص وأنتم مش فاهمين أن إحنا في حالة حزن واللي مش حاسس باللي إحنا فيه ربنا يصيبه بما أصابنا، يعني أنا بقول ربنا يصيب اللي هما مش حاسين باللي إحنا فيه، إحنا فاقدين ابننا في إيه يعني؟.

وأضافت شمس البارودي: ربنا يصبرنا وده واحد قال أنه اعتزل عشان هو مش قادر خالص يمارس أي حاجة بعد وفاة ابنه ومش عايز يرد عليكم وده حقه، دي حاجة غريبة جدًا.

وأكدت شمس البارودي، أن الفنان حسن يوسف يتمتع بالصحة، قائلة: هو بخير الحمد لله والشكر لله وبنروح النادي وبنتحرك وأهلنا بيجوا لينا وكل شيء طبيعي الحمد لله، ولادي في شغلهم محمود وعمر وناريمان في شغلهم بس بيجوا لينا، يعني أكيد مش هيسيبوا بيوتهم وأشغالهم ويجي يقعدوا معانا.

واستكملت شمس البارودي: في ناس بيحصل لهم حاجات كده وبيعدوها ويمشوا يمارسوا حياتهم عادي، إحنا مش عارفين نمارس حياتنا عادي خلاص، يعني إحنا بندعي أن ربنا يحفظ لينا أخوات عبدالله وبنترحم على عبد الله، وعايشين حياتنا كده في هدوء وسكينة مش عايزين أي نوع من أنواع الشوشرة  عشان تعبنا.