أحمد موسى عن ثورة 30 يونيو: والله أحلى وأعظم أيام في التاريخ

علق الإعلامي أحمد موسى، على ذكرى مناسبة احتفالات مصر بثورة 30 يونيو، قائلًا: ذكرى ثورة 30 يونيو عظيمة، والشعب المصري كله نزل يومها، واللي منزلش الميدان نزل بعلم مصر ونزل تحت البيت، وكله نزل ومفيش بيت منزلش ولا قرية ولا نجع.
ثورة 30 يونيو أعادت لمصر مكانتها

وأضاف أحمد موسى عبر برنامج على مسئوليتي مساء اليوم الثلاثاء: ثورة 30 يونيو أعادت لمصر مكانتها وارتحنا من جماعة الإخوان الإرهابية، والشعب كله كان يهتف ضد مرسي والإخوان.

وأكمل أحمد موسى أثناء حديثه عن ثورة 30 يونيو: الشعب المصري لما خد قرار لا تقولي إخوان ولا غيره، الإخوان كانوا متغطين بالغرب، وانتصرت إرادة شعبنا بفضل جيشنا وشرطتنا الباسلة، مين اللي انتصر في الآخر اللي معاه الغرب ولا اللي معاه ربنا؟.

وتابع الإعلامي أحمد موسى مذيع على مسئوليتي: والله أجمل أيام عمري في الثورة دي، وظهرت أنا في وقت صعب جدًا وموقفي من أول يوم إني أدوس في الإخوان ومرسي، ومغيرتش رأيي فيهم أبدًا.

وأكد: الإخوان قتلة وإرهابيين وبتكلم عليهم من سنوات، موقفي ضدهم واضح لما كانوا في الحكم وبعد الحكم.